20-ти „Марш на ангелите“ во Кочани

20 - ти по ред „Марш на ангелите“ во Кочани. Овојпат, маршот започна еден час порано, во 17.05, а родителите, роднините и граѓаните се движеа по веќе утврдената рута, од Паркот на револуцијата, преку трговскиот центар, зградата на општината, полицијата и судот.

Јавно прашаа кој ја одолговлекува постапката, кој ги штити виновниците и зошто инстиуциите молчат и после 5 и пол месеци од трагедијата.

-Додека ние тагуваме, Власта повтроно ја применува истата стратегија, да развлекува, да го отапува револтот, да чека јавноста да се сврти кон друга тема. Затоа денес јасно и гласно велиме, без независен и некорумпиран судски ситем, без инстант политичка одговорност, оваа држава повторно ќе ја изложи младоста на ризик, вакви трагедии ќе се повторуваат и тоа е најстражното сознание, изјави мајка на загинато дете.

Обвинија и дека инволвираните во трагедијата, наместо во притвор се уште се на работните места во МВР, што е спротивно од ветената неселективна правда од надлежните.

-Со шок и револт реагираме на начинот на кој се води истрагата за трагедијата во дискотеката „Пулс“ во Кочани. Постојат основани и документирани сомнежи кои веќе беа изнесени во јавноста. Додека полициските службеници имале дирекни комуникации со сопственикот на „Пусл“ во критичната вечер, му оддавале службени информации за полициски акции, вклучително и за присуство на малолетници и дрога. Наместо овие службеници да бидат веднаш ставени во притвор за да не влијаат врз истрагата и сведоците, тие се третираат со канцелариски распити, како привилигирани сведоци, изјави мајка на загинато дете.

Уште еднаш потенцираа дека нема да се откажат и ќе маршираат се додека не добијат одговори и правда за нивните прерано починати деца.