Фатени рибокрадци со 89 килограми риба и недозволена опрема за риболов
Полицијата синоќа, при контрола на возило лада нива на патот Штип-Радовиш, кај фабриката „Актива“ кое било без регистерски таблички открила 89 килограми риба и недозволена опрема за риболов.
-Во 22 часот полициски службеници од Полициска станица Штип ги привеле 42 – годишниот Ф.И., 36 години С.Е. од село Селце и Р.А. од село Пенуш, штипско, затоа што во 20.25 часот на магистралниот пат Штип-Радовиш, во близина на „Актива“, при контрола на патничко моторно возило без регистарски таблици, во кое се превезувале, не поседувале документи за идентификација и документи за возилото, а при прегледот во возилото била пронајдена поголема количина риба, се вели во соопштението на СВР-Штип.
Претседателот на Здружението на спортски риболовци „Брегалница 2011“, Никола Мицевски вели дека при увидот пронајдени се 89 килограми риба бојник, два комбинизони и еден сак, кое е недозволено средство за ловење на риби.
-Едното од лицата кои беа спроведено во Полциската станица кажало дека рибата ја ловел во сак во штипското село Црешка на река Брегалница, каде што концесионер е Здружение на спортски риболовци „Брегалница 2011“, вели Мицевски.
Здружението „Брегалница 2011“ рибата и недозволената опрема ги предаде на Државниот инспекторат за земјоделство, а против рибокрадците ќе поднесат кривична пријава за криволов и барање до судот за оштета согласно ценовникот за риболов.
Ново на Сител
-
Судењето за убиството на Вања и Панче продолжува со завршен збор на Обвинителството
-
Втор екстерен испит од државната матура, најмногу пријавени за тестот по англиски јазик
-
Делегација на Вооружените сили на Унгарија во официјална посета на Армијата на Северна Македонија
-
Трамп ги нарече демонстрантите „странски непријател“ и вети дека ќе го „ослободи“ Лос Анџелес
-
Осум иницијативи на денешната седница на Уставен суд
-
Сончево време, попладне услови за нестабилност
-
Зголемен интензитетот на сообраќај на патиштата
-
Дејвис куп: Македонија стартуваше со максимални 3:0 против Малта