Фатен „Манијакот од Волга“, осомничен е за убиство на 26 жени
Руската полиција уапси човек осомничен за грабеж и убиство на 26 постари жени низ централна Русија во 2011 и 2012 година.
Полицијата се сомнева дека 38-годишниот, Радик Тагиров, бравар, кој претходно бил осуден за кражба, е таканаречениот „манијак од Волга“, кој е поврзан со бројни злосторства и убиства извршени во регионите долж таа руска река.
Полицијата вчера објави дека го испитала осомничениот и дека форензичките истраги покажале дека споменатите дела ги извршило едно лице. Полицијата додаде дека „моделот“ на однесување на напаѓачот се совпаѓа со однесувањето на осомничениот.
Истражителите тврдат дека Тагиров, кој живее во рускиот град Казан, наводно влегол во домовите на жртвите претставувајќи се како комуналец, а потоа ги давел со електричен кабел или со појас од наметка.
Минатата година, руската полиција понуди награда од три милиони рубли за информации што можат да помогнат во апсењето на „манијакот од Волга“.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228