Факултетот за туризам и угостителство во Охрид одбележа 45 години од основањето

Со пригодна свеченост денеска беше одбележана 45-годишнината од основањето на Факултетот за туризам и угостителство во Охрид, образовна институција на која во досегашното нејзино постоење дипломирале повеќе од шест илјади студенти.

Деканот Цветко Андрески во обраќањето пред присутните на свеченоста истакна дека кадри што излегле од Факултетот за туризам и угостителство денеска работат како признаени експерти во Владата, Царинската управа, Агенцијата за супервизија и осигурување, во сите осигурителни компании во земјата, низ шпедициите, во сите хотели во државата...

- Факултетот за туризам и угостителство во Охрид е најстарата високообразовна институција во земјава и една од најстарите во регионот која продуцира кадри од областа на туризмот и угостителството. Ги има сите три циклуси на студии, прв, втор и трет, како и голем број на познати и признати истражувачи, рече Цветкоски истакнувајќи дека и натаму на ФТУ ќе се работи на проширување на наставната програма како и на подобрување на стандардите за повисок квалитет.

На неколку професори им беа врачени пригодни подароци по повод јубилејот, додека свечениот коктел го приготвија студентите од гастрономската насока на високообразовната институција.