Фајман бара затворање на сите маршрути за бегалците
Австрискиот канцелар Вернер Фајман денеска изјави дека пропуштањето на бегалците е минато и дека мора да се затворат сите маршрути, јави Танјуг.
На седница на австрискиот Парламент, посветена на бегалската криза, Фајман подвлече дека Австрија ќе остане одлучна во примената на својата нова политика кон бегалците.
Фајман вети и дека нема да дозволи, заради договорот ЕУ-Турција, да се откаже од сопствените вредности.
- Не смее да се добие впечаток дека Европа се предава, нагласи вицеканцеларот Рајнхолд Митерленер.
Фајман укажа на неопходноста од постигнување договор со Турција, додавајќи дека не постои можност на соседот нешто да му се врати доколку тој тоа не го прифаќа, а тоа важи и за тешките соседи како што е Турција.
- Доколку не се постигне договорот со Турција, неопходно ќе биде под контрола да се стават милион или повеќе бегалци во Грција, смета тој.
Митерленер подвлече дека балканската маршрута треба да се држи затворена и апелираше до хуманитарните организации да не даваат лажни очекувања, а ја повика Грција бегалците да не ги пропушта кон македонската граница.
Фајман и Митерленер го повторија својот апел до Германија конечно да излезе во јавноста со горната граница за прифат на бегалци.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа