Ф1: Фетел победник во Мелбурн

Пилотот на Ферари, Себастијан Фетел е победник на трката за Големата награда на Австралија, со која утринава стартуваше новиот шампионат во Формула 1. Германецот трката на патеката „Алберт Парк“ во Мелбурн ја заврши со повеќе од девет секунди во однос на главниот фаворит Луис Хамилтон од Мерцедес кој ја имаше пол-позицијата на стартот.

 

Британецот ја изгуби првата позиција најмногу по вина на тактичката грешка на Мерцедес, кои го повикаа Хамилтон во боксот прерано, а гужвата на патеката не му дозволи да се врати на лидерската позиција.

 

На најниското место на подиумот се искачи Валери Ботас од Мерцедес.

 

За Фетел кој е четирикратен светски првак победата во Мелбурн е 43. победа во кариерата, а за неговиот тим Ферари прва на стартот на сезоната по пауза од шест години.

 

Бодови во Австралија освоија:

 

1.Себастијан Фетел (Ферари) 1:24:11.670 час,

2.Луис Хамилтон (Мерцедес) +9.975 секунди,

3.Валтери Ботас (Мерцедес) +11.250,

4.Кими Раиконен (Ферари) +22.393,

5.Макс Ферстапен (Ред Бул) +28.827,

6.Фелипе Маса (Вилијамс) +1:23.386 минута,

7.Серхио Перез (Форс Индија) +1 круг,

8.Карлос Саинц (Торо Росо) +1 круг,

9.Данил Квјат (Торо Росо) +1 круг,

10.Естебан Окон (Форс Индија) +1 круг.

 

Следната трка во Ф1 шампионатот ќе се вози на 9 април во Шангај, за голема награда на Кина.