-->
-->
Ф-1: Хамилтон без конкуренција во Монца
-->
Возачот на Мерцедес, Луис Хамилтон, победи на 12-та трка во првенството на Формула 1, Големата награда на Италија. Актуелниот светски првак на легендарната патека во Монца до 40-та победа во кариерата стигна со време од 1:18:00.688 часа.
Големата награда на Италија мина во целосна доминација на Британецот, кој стартуваше од пол позицијата, во првиот свиок го одби нападот на Фетел и потоа до крајот возеше соло трка.
Фетел во финишот влезе како втор со 25 секунди послабо време од Хамилтон, а третото место го освои Фелипе Маса од Вилијамс.
Трагичар на Големата награда на Италија е Нико Розберг, кој во моментот кога беше на третото место се откажа од трката поради проблемот со моторот.
Лоша трка имаше и Кими Раиконен, Финецот беше втор на стартот, но неговиот болид воопшто не тргна и практично трката ја започна од последната позиција. Раиконен на крајот стигна до петтото место, пред него беше возачот на Вилијамс Валтери Ботас.
Бодови во Монца освоија уште Серхио Перез и Нико Хилкенберг (Форс Индија), Даниел Рикардо (Ред Бул), Маркус Ериксен (Заубер) и Данил Квјат (Ред Бул).
По 12 трки Хамилтон ја зголеми предноста во генералниот пласман, тој сега има 252 бода, 53 повеќе од Розберг.
Наредната трка ќе се вози на 20. септември во Сингапур.
-->
-->
-->
Ново на Сител
-
Почна комисиската расправа за Предлог-законот за реорганизација на органите на државната управа
-
Турски државјани натепале скопјанец на Бит Пазар
-
В недела предвремени парламентарни избори во Бугарија
-
ИЈЗ: Три случаи на конго-кримска хеморагична треска, еден случај на морбили
-
ЦУК: Турист од Холандија удрил во камен во Охридско Езеро, пренесен во болница
-
Во текот на 2023 година во земјава се родиле 14 деца од мајки помали од 15 години
-
Столтенберг: Украина има право да напаѓа цели во Русија
-
Вучиќ: За мене изборите завршија, ќе има многу важни одлуки на Сесрпскиот собор