Ф-1: Ферари со одлични перфоманси во Каталонија

Се подобри резултати на болидите на Ферари со што се потврдуваат гласините дека оваа екипа ќе има многу позначајна улога во следното првенство од шампионатот во Ф-1. Денеска на претпоследниот ден од тестирањето во Каталонија , Себастијан Фетел возеше најбрз круг со време од 1:19.024 на „ултра-меки“ гуми и тоа е најбрзиот круг на досегашното тестирање, за три десетинки подобро од времето на Валтери Ботас во Мерцедес поставен во средата.

Времето на Германецот остана најдобро и по попладневната сесија, кога сите се фокусираа на симулации на трки - и тој на крајот заврши со најмногу кругови, дури 156.

Утринското време беше доволно да се заддржи Луис Хамилтон на второто место за Мерцедес пред Естебан Окон (Форс Индија) и Данил Квјат (Торо Росо).

БАРСЕЛОНА - 7.ДЕН

1.Себастијан Фетел (Ферари) 1:19.024, 156 кругови

2.Луис Хамилтон (Мерцедес) 1:19.352, 52 круга

3.Естебан Окон (Форс Индија) 1:20.161, 137 круга

4.Данил Квјат (Торо Росо) 1:20.416, 94 круга

5.Кевин Магнусен (Хас) 1:20.504, 119 круга

6.Даниел Рикијардо (Ред Бул) 1:20.824, 128 круга

7.Штофел Фандорне (Мекларен) 1:21.348, 48 круга

8.Валтери Ботас (Мерцедес) 1:21.819, 95 круга

9.Паскал Верлајн (Заубер) 1:22.347, 44 круга

10.Џолион Палмер (Рено) 1:22.418, 53 круга