Евтини кредити за фирмите: Преку Развојна банка ќе се вбризгаат 25,6 милиони евра во стопанството
Развојната банка повлече половина од 50 те милиони евра од Европската Инвестиција банка, пари кои се наменети за домашните компании. Со нив ќе се поддржат 105 различни проекти, кои ќе овозможат вработување на 145 лица, информираат од банката. Станува збор за поволни кредити, со камата од 1,6%, кои ќе се распределуваат преку 6 комерцијални банки со кои Развојна банка има склучено договор.
Најголем дел од овие средства, 40 отсто или 10,2 милиони евра се одобрени за проекти во секторот производство. Дваесет и два отсто од средствата или 5,7 милиони евра се одобрени за секторот трговија, додека 16 проценти или 4 милиони евра се одобрени за проекти во секторот угостителство. За секторот транспорт се одобрени средства во износ од 2,1 милиони евра или 8 проценти, додека за секторот здравство и секторот услуги се одобрени средства од 0,6 милиони евра. За други сектори се одобрени вкупно 2,3 милиони евра или 9 отсто, соопштуваат од Развојна банка.
Наредниот месец, односно во август ќе бидат повлечени и останатите средства во вредност од 25,3 милиони евра, во една или повеќе транши, велат од Развојната банка. Инаку до сега од кредитната линија од ЕИБ вредна 100 милиони евра се повлечени пет транши во вкупен износ од 74,5 милиони евра. Со овие пари се поддржаа 250 проекти на домашни компании и се вработија 629 лица.
Наташа Мерсовска
Ново на Сител
-
Изгласана Резолуцијата за Сребреница во ОН – 11 јули се прогласува за Меѓународен ден на сеќавање на геноцидот:
-
Тројца повредени во сообраќајка на крстосницата кај Башино Село на автопатот над Велес
-
Претседателката оствари телефонски разговор со Зеленски: Украинскиот народ може и во иднина да смета на македонското сојузништво
-
63-годишен маж демнеел женско лице од Дебар по што и го украл телефонот на работното место
-
Графитите избришани, сторителите непознати, насликана нова содржина на монументот на гостиварскиот кеј
-
Левица: Црква изградена во 1874 година настрада од минирањата на „Бехтел и Енка“
-
Потврден 30-дневниот притвор за врховнот судија Георгиев
-
110 пушки од Првата светска војна пронајдени при ископ во Старата касарна во Битола