-->
-->
Европско првенство Б дивизија за кошаркарки во Охрид и во Струга
-->
Охрид и Струга од денеска до 23 август ќе бидат домаќини на Европското првенство (дивизија Б) за кошаркарки до 16 години.
Според програмата, на првенството ќе учествуваат дваесет селекции, поделени во четири групи, од кои групите А и Б ќе се играат во Спортската арена „Билјанини Извори“, додека групите Ц и Д натпреварите ќе ги играат во Струга во Спортската сала „Тими“.
Македонија се наоѓа во групата Д заедно со селекциите на Литванија, Финска, Белорусија и со Израел. Првиот натпревар Македонија вечерва го игра против Белорусија со почеток во 18:45 часот во Струга.
Во првата фаза од денеска до 17 август, репрезентациите ќе ја одиграат првата рунда на шампионатот, односно натпреварите по групи. Во оваа фаза ќе се играат дневно по четири натпревари и во Охрид и во Струга, со термините од 14:15 часот, 16:30, 18:45 и 21:00 часот.
По крајот на првата фаза ќе бидат формирани нови пет групи. Во групите Е и Ф ќе играат двете најдобри селекции од секоја од четирите групи од првата фаза, групите Г и Х ќе бидат составени од трето и четвртопласираните селекции од првата рунда, а во групата И ќе играат последно пласираните репрезентации од првата рунда.
Трите најдобри селекции на ЕП во Охрид и Струга обезбедуваат пласман во елитната А дивизија.
-->
-->
-->
Ново на Сител
-
Приведен 50-годишник во Прилеп, управувал возило под дејство на алкохол
-
Сиљановска-Давкова на Форумот на светски лидери на Универзитетот Колумбија во Њујорк: Барањето за уставни измени нема ништо заедничко со Копенхашките критериуми
-
Турција побара од УЕФА и ФИФА да го суспендираат Израел
-
ЕУ планира укинување на правилото за согласност за интернет „колачињата“
-
Трамп: Се водат интензивни разговори со земјите од Блиски Исток за изнаоѓање на решение за конфликтот во Појасот Газа
-
Министерот Љутков на трибина во Крушево по повод Светскиот ден на туризмот
-
Претежно облачно, посвежо со врнежи од дожд
-
Трамп: Близу сме до договор за крај на војната во Газа и ослободување на заложниците