Европските Социјалдемократи обвинуваат за неодговорност од страна на Унгарија

Европратениците Тања Фајон и Кнут Флекенштајн предупредуваат дека преседанот со азилот за Груевски може да има сериозни последици за регионот.

-Законите за азил се смислени за да ги заштитат луѓето кои бегаат од војна и прогон, наместо тоа унгарската влада ги користи за да заштити политички сојузник од последиците на неговите дела. Бидејќи азилот е надлежност на Европската Комисија, таа треба да го разледа случајот и да процени дали се прекршени закони, порачаа пратениците.

Европратениците ситуацијата ја нарекуваат „горчлива иронија“ со оглед на тоа дека владата на Орбан со години демонизира азиланти.

Поранешен македонски премиер кој наводно пристигнал во Унгарија користејќи нелегални документи и има затворска казна во неговата земја е примен со широко отворени раце.