Европските натпревари македонските екипи ќе ги играат на Кипар?

Како што пренесуваат медиумите од Балканот екипите од овој регион вклучувајќи ги и македонските најверојатно ќе мора своите натпревари како домаќини да ги организираат на Кипар кој е прогласен за безбедна зона без заразени од Ковид-19.

Според „Спортски Журнал“, повикувајќи се на извори во УЕФА, а таму во работната група во оваа пандемија со коронавирус беше Зоран Лаковиќ, екс-генсекот на ФСС, Кипар веќе е избран за домаќин на мечеви на клубовите од регионов па таму свои средби ќе треба да играат Македонија, Србија, БиХ, Црна Гора и Албанија, земји кои не се дел од ЕУ.

Ова важи само за натпреварите кои екипите од овие земји треба да ги одиграат како домаќини што е прифатено и од ФА на Кипар.