Европската Унија испраќа помош во Авганистан
Европска Унија испраќа помош во Авганистан по разорниот земјотрес, при што загинаа повеќе од илјада луѓе, а најмалку 1.500 се повредени.
Помошта на ЕУ за Авганистан е во висина од еден милион евра, а средствата ќе бидат распоредени од хуманитарни групи активни во земјата, вклучувајќи ги и невладините организации и Обединетите нации.
Генералниот секретар на ОН, Антонио Гутереш истакна дека ОН се „целосно мобилизирани“ во Авганистан.
– Нашите тимови се веќе поставени, ги проценуваат потребите и обезбедуваат првична поддршка, посочи Гутереш.
Во меѓувреме Тајван најави дека ќе донира еден милион долари за Авганистан, но оти нема да испрати спасувачки тимови.
И Кина најави дека ќе пружи помош на Авганистан, но сè уште не објавила детали.
На 22 јуни во источниот дел на Авганистан беше регистриран земјотрес со интензитет од 6,1 степени според Рихтеровата скала. Најпогодена од земјотресот е југоисточната авганистанска покраина Патика.
По земјотресот талибанците побараа помош од меѓународната заедница. Јапонија и Јужна Кореја вчера најавија дека ќе испратат помош во Авганистан.
Портпаролот на талибанците Занихулах Муџахид вчера на Твитер објави дека во загрозената област Пактика од Пакистан пристигнале осум камиони со храна и други артикли, како и два авиона со хуманитарна помош од Иран и од Катар.
Организирање на директна меѓународна помош би било тешко, бидејќи многу земји, вклучително и САД, испраќаат хуманитарна помош преку ОН и други организации за да избегнат испраќање пари на талибанците.
Ново на Сител
-
Како да се „спасат'' Преспанското и Охридското Езеро?
-
Тема на денот со претседателката Гордана Сиљановска Давкова
-
Бугарскиот амбасадор одби да ја прими протестната нота од МНР, за Сител вели не бил прекршен ниту еден протокол
-
Протестна нота за бугарскиот амбасадор, за МНР потегот е несоодветен и неевропски
-
Радуков со позициите на Радев во МНР, одбил да ја прими протестната нота
-
Комитетот почна со истрага во М-НАВ, за неколку дена се очекува првичниот извештај
-
Уставен суд пред конечна одлука, дали да застарува извршувањето на долговите
-
Есенската кошница ќе се носи следната недела