Европската мрежа на оператори истражува како дошло до прекин на струја во регионот
Европската мрежа на оператори на преносни системи ЕНТСО-Е го истражува инцидентот што се случи деновиве во дел од системот за снабдување со електрична енергија во Југоисточна Европа, објавено е на страницата „ENTSO-E“.
Во соопштението се наведува дека инцидентот се случил во Албанија, Црна Гора, Босна и Херцеговина и делумно во Хрватска.
„Загрозените оператори на мрежни системи, со поддршка од соседните оператори, по речиси два часа воспоставија нормален проток на напон со цел да го намалат влијанието на проблемот врз потрошувачите“, се наведува во соопштението.
„ЕНТСО-Е“ во моментов работи на прибирање технички податоци за прекинот на струја од засегнатите оператори и во најкраток можен рок ќе објави дополнителни информации.
Во согласност со методологијата за класификација на инциденти, Комитетот за операции на системот ќе спроведе детална истрага за инцидентот во наредните недели, со поддршка од експертски тим.
Неколку градови во Република Српска, Федерацијата Босна и Херцеговина, Црна Гора, Далмација и Албанија вчера останаа без струја поради проблеми во преносната мрежа во регионот и преоптоварување на клучните интерконективни линии.
Ново на Сител
-
Внатрепартиски избори за претседател на СДСМ – тројца кандидати
-
Агелер: Нема репреговарање на Договорот од Преспа и напредокот кон ЕУ
-
Детектор: Македонските граѓани сакаат членство во ЕУ, но не по цена на Бугари во Уставот
-
Бугарија задоволна од пописот во Албанија, Грција бара почитување на малцинствата
-
Со 250 милиони евра годишно ќе се развиваат општините
-
Жителите на Оревоец судски и со блокади против ископ на материјал од страна на Бехтел и Енка
-
Велосипедистите бараат патека за поврзување на Охрид - Струга
-
Преглед на вестите од светот