Европа го чека новиот ракометен првак

Последниот ракометен викенд во сезоната 2021/22 почнува денеска со полуфиналните мечеви во ЕХФ Лигата на шампионите, по што во недела навечер ќе го добиеме новиот европски шампион. Во борба за тронот се два тима со голема европска репутација и голем број на титули, Барселона и Кил, како и два тима од источна Европа кои бараат афирмација, полскиот Кјелце и унгарскиот Веспрем.

 

Добивај вести на вибер

Шоуто во „Ланксес арената“ во Келн го запонуваат Веспрем и Кјелце во 15.15 часот, во реприза од финалето на ЛШ во 2016 година, кога Кјелце се врати од девет гола негатива во второто полувреме за драматична 39:38 победа на пенали. Веспрем се во Келн по седми пат и се борат за четврто финале по поразите во 2015, 2016 и 2019, додека Кјелце игра по петти пат на Ф4 со само едно финале. Двата тима веќе се сретнаа во групната фаза ова сезона – беше 32:29 за Кјелце во Полска и 35:33 за Веспрем во Унгарија.

 

Во 18 часот на програмата е големата пресметка на последните два европски шампиони, Кил и Барса. Каталонскиот клуб е актуелен шампион и рекордер со 9 титули, додека Кил има 4 трофеи од ЛШ. Кил ќе бидат без повредените Сандер Сагосен и Хендрик Пекелер во Келн, но ќе го имаат Норвежанецот Барте Мирхол, кој ја прекина пензијата за да игра во финалето.

 

ЕХФ ЛИГА НА ШАМПИОНИ, ФАЈНАЛ ФОР

 

Кјелце – Веспрем 15.15 ч.

 

Барселона – Кил 18.00 ч.