Евролигата во црвено-бело, победи на Звезда и Олимпијакос

Кошаркарите на Црвена звезда и Олимпијакос забележаа победи во дерби натпреварите, кои во рамките на 17.коло во Евролигата се одиграа во четвртокот. Црвена звезда на домашен терен победи уште еден великан на европската кошарка Фенербахче, додека Олимпијакос победи во Барселона.

 

 

Мечот го решија Чарлс Џенкинс и Огњен Кузмиќ, првиот погоди за два поени на 14 секунди до крајот за 75:73, а вториот во последниот напад го блокираше обидот на Екпе Јудо.

 

Македонскиот интернационалец Перо Антиќ целиот натпревар го следеше од клупата.

 

Кузмиќ со 21 поен и 8 скокови беше играч на натпреварот, а Џенкинс забележа 14 поени, по три скока и асистенции и две украдени топки. Фенербахче го предводеа Јудо и Датоме со по 16 поени.

 

Дрматичен меч одиграа и Барселона и Олимпијакос, кој му припадна на гостите 67:69. Дуелот го реши Манцарис кој на седум секунди до крајот реализира две слободни фрлања, а Рајс не успеа да погоди во последниот напад за Барселона.

 

Пртинтезис со 16 и Лоџески со 11 поени беа најефикасни кај Олимпијакос, додека во редовите на Барселона Копонен постигна 16, а Рајс 15 поени.

 

Во Истанбул Дарушафака славеше над Басконија 98:89. Бертранс со 29 и Вонамејкер со 21 поен (4/4 за три) беа најефикасни во домашниот тим, додека Унгарецот Ханга ја предводеше Басконија со 19 поени.