Клиперси го разменија Харден со Кливленд

Лос Анџелес клиперсе се согласија да го разменат крилниот центар Џејмс Харден со Кливленд Кавалирс за плејмејкерот Дариус Гарланд и избор од втората рунда на драфтот, објави „ESPN“.

Триесет и шестгодишниот Американец очекува продолжување на договорот. Тој ќе заработи 39,3 милиони долари оваа сезона и има 49,2 милиони долари загарантирана за следната сезона.

Дваесет и шестгодишниот Гарланд е во третата година од петгодишниот договор од 197 милиони долари.

Харден играше во 44 натпревари од регуларната сезона на НБА оваа сезона, со просек од 25,4 поени, 4,8 скока и 8,1 асистенции. 

Гарланд има просек од 18,0 поени, 2,5 скока и 6,9 асистенции по натпревар во 26 натпревари. 

МИА