Еврокомесарот Хан ги почна средбите со лидерите на политичките партии
Еврокомесарот за проширување Јоханес Хан попладнево во Скопје ги почна средбите со лидерите на политичките партии што се застапени во македонското Собрание, на кои се очекува да стане збор за актуелната политичка ситуација во земјата и за разговорите за формирање влада по предвремените парламентарни избори од 11 декември минатата година.
Првата средба на Хан е со лидерот на Движењето Беса, Билал Касами, по што ќе следат средбите со Зијадин Села од Алијансата за Албанците, со Мендух Тачи од ДПА, со Али Ахмети од ДУИ, со Зоран Заев од СДСМ, а последна според најавите ќе биде средбата со лидерот на ВМРО-ДПМНЕ Никола Груевски.
На прес-конференцијата што се одржа попладнево по министерскиот состанок за Западен Балкан чиј домаќин беше македонското МНР, Хан изјави дека е дојден во Скопје да ги ислуша лидерите на политичките партии и да пренесе порака дека по спроведените избори следен чекор е формирање влада со широка солидна основа посветена на ЕУ агендата.
- Важно е новата влада да се формира на солидна широка основа и да ја следи европската перспектива. Нема да даваме совети на која било партија како понатаму да продолжи со своите активности, но сите треба да бидат свесни за сопствената одговорност, рече Хан на прес-конференцијата.
Еврокомесарот Хан активностите ги започна утрината со средба со премиерот Емил Димитриев по што во Владата на РМ присуствуваше на состанокот на министрите за енергетика.
Ново на Сител
-
Кривична пријава за прилепчанка, со туѓа картичка од банкомати подигнала 200 илјади денари
-
Скопјанец повреден од заталкано зрно од огнено оружје
-
АХВ: Одгледувачите на овци и кози да ги засилат мерките за заштита од чума кај мали преживари
-
Ангелов на средба со унгарските пожарникари за мерките за заштита од пожарот на населбите покрај езерото Козјак
-
Јаневска: Бирото за развој на образованието не ги одобри учебниците за странски јазици заради нивниот неквалитет
-
УЈП ги повикува даночните обврзници навреме да поднесат ДДВ пријави за јули
-
Тошковски и Ангелов најавија реформи на системот за справување со кризи
-
Постигнат договор за откупната цена на оризот