Евробаскет 2017: Русија „рутински ја доби“ Хрватска

Репрезентацијата на Русија како последна успеа да влзе во четвртфиналето на Евробаскетот 2017 откако во осминафиналето синоќа во Истанбул ја победи Хрватска со 101:78. Хрватска само во првиот дел беше равноправен ривал, додека потоа Русија „рутински“ предводена од Алексеј Швед ја заврши работата. Во вториот дел Русија постигна 55 поени. Швед натпреварот го заврши со 27 поени и 12 асистенции.

 

Претходно европскиот првак Шпанија ја замолкна Арената „Синан Ердем“ откако во тврд натпревар го победи домаќинот Турција со 73:56.

 

Денеска на шампионатот е слободен ден, а утре и задутре се играат четвртфиналните натпревари.

Распоред на дуелите: 

12.09 - вторник: Германија - Шпанија (почеток 17:45 часот) и Словенија - летонија (почеток 20:30 часот).

13.09 - среда: Грција - Русија (почеток 17:45 часот) и Италија - Србија (почеток 20:30 часот).