ЕУ усвои правила за онлајн аплицирање за Шенген визи
Советот на ЕУ денеска усвои два прописи со нови правила со кои се овозможува онлајн аплицирање за виза за патување во Шенген зоната, јави дописникот на МИА од Брисел.
– Можноста за аплицирање за Шенген виза преку интернет ќе претставува големо подобрување за граѓаните и за обработката на апликацијата. Тоа ќе го поедностави процесот на аплицирање за патниците и во исто време ќе ги растовари националните администрации, кои ќе можат да одговорат побрзо и поефективно, изјави шпанскиот министер за внатрешни работи Фернандо Гранде-Марласка Гомез, чија земја е актуелен претседавач со ЕУ
Со новите прописи се предвидува создавање платформа за аплицирање за виза за влез во ЕУ, преку која ќе се поднесуваат сите барања за издавање на Шенген визи, со неколку исклучоци. На платформата, апликантите за виза ќе можат да ги внесат сите релевантни податоци, да прикачуваат електронски копии од нивните патни и други придружни документи, како и да го платат соодветниот надомест.
Со ваквата платформа, како што се додава во соопштението на ЕУ, апликантите за визи повеќе нема да имаат потреба да одат лично во амбасадите или конзулатите. Аплицирање со физичко присуство ќе биде потребно само за оние лица кои првпат поднесуваат барање за виза, чии биометриски податоци повеќе не се валидни или пак имаат нов патен документ.
Новите прописи, исто така, предвидуваат замена на сегашните налепници за визи со криптографски потпишан баркод.
Новите прописи ќе стапат во сила на 20-от ден од нивното објавување во Службениот весник на Европската Унија, а нивната примена ќе почне откако ќе бидат завршени сите технички формалности околу новата визна платформа и дигиталните визи.
Ново на Сител
-
Приведен криумчар на мигранти
-
ЈП „Комунална хигиена“: Масовно непрописно исфрлање отпад во близина на контејнерите во Скопје
-
Активен пожар во Негорци, регистрирани 15 пожари на отворено во изминатото деноноќие
-
198 санкционирани возачи во текот на изминатиот викенд на подрачје на СВР Битола, 84 за брзо возење
-
Тешко повредено едно лице, откако возило излетало на железничка пруга
-
Англија со победа го започна ЕП – Белингем и пресуди на Србија
-
Комплетиран предлог составот на новата влада, гласањето најавено за 22 и 23 јуни
-
Американски турист пронајден мртов на остров во близина на Крф, исчезнаа уште тројца туристи