ЕУ следната недела ќе ја претстави одбранбената програма ПЕСКО
Повеќе членки на Европската унија на министерски состанок планиран за в понеделник, ќе најават нова форма на одбранбена соработка, објави „Фајненшл тајмс“.
Постојаната структурна соработка во одбраната (ПЕСКО) е проект започнат меѓу Германија и Франција, во кој се очекува да се вклучат и други држави, како Италија, Шпанија, Белгија и Холандија.
Програмата ќе вклучува соработка во регионални операции, воздушен транспорт на борбени единици, реагирање на кризи, територијална одбрана на Европа и развој на нови воени системи, како на пример на нова генерација на тенкови и борбени авиони.
ПЕСКО, иниицрана од високиот претставника на ЕУ за надворешна политика и безбедност Федерика Могерини, воедно претставува одговор на ЕУ на се почестите барања од САД, европските земји да ги почитуваат обврските од членството во НАТО и да ги зголемат трошоците за одбрана.
Според „Фајненшл тајмс“, сепак постојат различни погледи меѓу членките на ЕУ во врска со ПЕСКО. Франција, според весникот, бара ПЕСКО да биде амбициозна програма која ќе работи на голем број проекти, додека Германија, пак, сака во програмата да се вклучат што е можно повеќе држави.
Ново на Сител
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк
-
Претседателот на Владата Мицкоски ќе ја предводи македонската делегација на Самитот на НАТО
-
ЦУК: Сите 18 пожари на отворено се изгаснати и од нив активни утрово нема
-
Санкционирани 134 возачи во Скопје
-
Сончево и топло, максималната температура до 38 степени