ЕУ повика на дијалог меѓу Индија и Пакистан
Европската Унија ги повикува Индија и Пакистан да започнат дијалог за деескалација на состојбата и најавува подготвеност да работи со двете страни во остварување на тие напори, порача денеска високата претставничка на ЕУ за надворешни работи и безбедносна политика Каја Калас.
- Од витално значење е Индија и Пакистан да ги исполнат своите обврски според меѓународното право и да ги преземат сите можни мерки за заштита на животите на цивилите, нагласи Калас во писмената изјава по повод индиско-пакистанскиот конфликт.
Таа додаде дека ЕУ внимателно и со голема загриженост ги следи растечките тензии во регионот и последиците што произлегуваат од нив, вклучително и од евентуалната загуба на уште повеќе животи.
- ЕУ ги повикува двете страни да покажат воздржаност, да ги деескалираат тензиите и да се воздржат од понатамошни напади за да ги заштитат животите на цивилите, порача Калас.
Таа во писмената изјава нагласува и дека Европската Унија и нејзините 27 земји членки недвосмислено го осудуваат терористичкиот напад во Пахалгам на 22 април и убиството на невини цивили.
- Тероризмот никогаш не може да се оправда. Оние што се одговорни за нападот мора да бидат изведени пред лицето на правдата. Секоја држава има должност и право законски да ги заштити своите граѓани од терористички акти, додава Калас во пораката.
Ново на Сител
-
Тема на денот со Горан Ѓорѓиевски, претседател на Агро-бизнис комората при ССК
-
ВМРО-ДПМНЕ: Ние сме партнер на младите
-
Балистите скандираа “Голема Албанија”, функционерите не ги осудија
-
Ќе се подобрат ли условите во болницата во Бардовци по фаталната тепачка?
-
Гаши ќе ги распише изборите петок или сабота, очекува фер и демократска атмосфера
-
МНР без предлог за амбасадор во Атина, во моментов 24 амбасадорски места се празни
-
ВМРО-ДПМНЕ: Коцевски да даде оставка
-
СДСМ: Младите спасот го гледаат надвор