ЕУ му честиташе на Вучиќ за изборот за нов претседател на Србија
Претседателите на Европскиот совет и на Европската комисија, Доналд Туск и Жан-Клод Јункер денеска му го честитаа изборот на премиерот на Србија, Александар Вучиќ за нов српски претседател уште во првиот круг на изборите.
Како што јави дописникот на МИА од Брисел, Туск и Јункер во нивното писмо-честитка до Вучиќ го информираат првиот човек на Српската напредна партија (СНС) дека неговиот избор „ја потврдил силната поддршка што ја ужива меѓу населението на земјата“.
- Ова гласање на доверба покажува дека народот на Србија целосно го поддржува европскиот пат што сте го избрале и што ќе доведе до членство во ЕУ. Ви посакуваме успех во понатамошното чекорење по овој пат, преку промоција на реформите поврзани со тековниот процес на пристапување, а кои ќе донесат подобар живот за сите граѓани. Стабилни и функционални институции, владеењето на правото и борбата против корупцијата се клучни за понатамошни позитивни економски движења. Ние сме убедени дека ќе продолжите да промовирате соработка и помирување во регионот, што е од суштинско значење за стабилноста, мирот и просперитетот. Вашата решеност, исто така, ќе биде клучна за да се продолжи со напредокот во дијалог меѓу Белград и Приштина, кој олеснет од ЕУ, се вели во честитката од челниците на Европската унија до Вучиќ.
На крајот во писмото од европскио двоец до новиот претседател на Србија, тие му ја потврдуваат „целосната поддршка на Европската унија за агендата на европските реформи во Србија“ и дека со нетрпение очекуваат да работат со него во иднина, како српски претседател.
Ново на Сител
-
Кумановка измамена за 6.000 денари за набавка на огревни дрва
-
Во центарот на Куманово откриен мурал со ликот на Бобан Трајковски кој беше убиен пред 23 години кај Вејце
-
Приложил патна исправа на негов другар, Албанец уапсен на Табановце
-
Краделе велосипеди во Аеродром, приведени двајца крадци од Србија
-
Бајден за Трамп: Се натпреварувам против „шестгодишно дете“
-
Избоден млад кавадарчанец
-
Оштетиле повеќе предмети и украле пари, уапсени двајца кавадарчани
-
СПМ: Срамни се обидите на СДСМ да ги убедат граѓаните дека грешеле во првиот круг