ЕУ ќе дистрибуира поголемо количество вакцини на најзагрозените членки
Повеќе земји-членки на ЕУ синоќа се согласија да споделат дел од претстојните испораки на вакцини со пет земји од ЕУ кои најавија дека им се најпотребни.
Вакцините во ЕУ обично се дистрибуираат меѓу 27 земји од блокот врз основа на бројноста на населението.
По неколкудневни преговори, амбасадорите на ЕУ се согласија да го променат системот за 10 милиони дози на Фајзер/Бионтек, кои ќе биде испорачани во вториот квартал од годинава, така што земјите кои имаат најголема потреба да добијат повеќе.
Од тие десет милиони дози, 2,85 милиони таканаречени „солидарни вакцини“ ги делат пет земји, се наведува во соопштението од Португалија, која претседава со состаноците на амбасадорите на ЕУ.
Тие земји се Бугарија, Хрватска, Естонија, Летонија и Словачка.
Хрватска ќе добие дополнителни 747.000 дози вакцини против коронавирус на Фајзер до почетокот на летото, објави Владата на таа држава.
Три земји – Австрија, Чешка и Словенија – го оставија својот дел од испораките непроменет.
Државите кои се согласија да ги прераспределат своите вакцини се Белгија, Кипар, Данска, Финска, Франција, Германија, Грција, Унгарија, Ирска, Италија, Литванија, Луксембург, Малта, Холандија, Полска, Португалија, Романија, Шпанија и Шведска.
Ново на Сител
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово
-
Лични документи можат да се подигнат и во среда