ЕУ ќе даде речиси половина милијарда евра за сириските бегалци

Европската комисија соопшти дека оваа година за бегалците ќе обезбеди 445 милиони евра. Средствата ќе бидат наменети за Сиријците, кои се во нивната татковина, како и за оние кои избегале во Либан, Јордан и Турција, јави БТА.

Еврокомесарот за хуманитарните активности Христос Стилианидис изјави дека ситуацијата во Сирија претставува слична катастрофа како онаа за време на Втората светска војна. 

- ЕУ ќе ги поддржува Сиријците дотогаш, до кога е потребно, додаде тој. 

Средствата ќе послужат за обезбедување вода, засолништа, храна и лекарства. 

Сирија ќе добие 140 милиони евра, Либан - 87 милиони евра, Јордан - 53 милиони евра, а Турција 165 милиони евра. 

ЕК забележува дека пет години по почетокот на војната во Сирија речиси половина од населението е раселено.