ЕУ: Ципрас да не се заканува со избори во преговорите со кредиторите
Лидерите на Европската унија му порачаа на грчкиот премиер Алексис Ципрас во преговорите со меѓународните кредитори на Грција, да не ја користи заканата со одржување превремени избори, како тактички потег во обидот да добие отстапки, тврди германското економско издание МНИ.
- Европа сфаќа дека мерките што треба да бидат спроведени по 2019 година би можеле да претставуваат тешка задача за грчката Влада, но Меѓународниот монетарен фонд инсистира сите нерешени проблеми и разлики во плановите за периодот 2019-2020 година да бидат надминати пред да ја донесе одлуката за неговото натамошно учество во каква било идна финансиска помош за Грција, изјавил неименуван висок претставник на ЕУ за МНИ.
Тој навел дека Ципрас бил „пријателски посоветуван“ да не предизвикува потреси во еврозоната со заканите дека ќе организира предвремени парламентарни избори во текот на 2017 година, кога во Европа и онака постои загриженост околу резултатите од изборите во Холандија, Франција и Германија, кои се закажани за идната година.
- Некои членки на монетраната унија, пред се Германија, и натаму се многу внимателни кога е во прашање Ципрас. Пристапот чија цел е да се изнудат отстапки со закани за предвремени избори, за да се постигне подобар договор со кредиторите, е многу ризичен, оценил истиот извор, додавајќи дека таквото однесување е контрапордуктивно и дека на грчкиот премиер „би можело да му се врати како бумеранг“.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228