ЕУ без согласност за проширувањето кон Западен Балкан

Европските министери за надворешни работи денеска во Софија не успеаја да се усогласат за предлогот на Еврокомисјата за проширување на Унијата кон Западен Балкан.

На форум во Бугарија, министрите од Европската унија разговараа за првпат за планот на Европската комисија која објави датум - 2025 година како цел за приклуување на Србија и Црна Гора во ЕУ.

Унгарскиот министер за надворешни работи Петер Сијарто е „многу разочаран“ со таргетот, нагласувајќи дека првите две држави од Западен Балкан треба да бидат примени во ЕУ во 2022 година.

Полска, Австрија и Италија се иста така меѓу оние кои фаворизираат забрзување на напорите за отворање на ЕУ за Западен Балкан.

- Кој ќе биде прв во Белград - Кина или ЕУ? Тоа треба да го разјасниме, бидејќи се работи за наши соседи, изјави австриската министерка за надворешни работи Карин Кнеисл.

Шефот на словенечката дипломатија Карл Ерјавец смета дека 2025 „не е реален датум“, туку дека на тие држави им е потребно многу повеќе време за исполнување на критериумите за влез во ЕУ.

Внимателен беше и францускиот министер за надворешни работи, Жан-Ив Ле Дријан. - Јасно е дека постојат услови кои се бараат од нив да ги исполнат, изјави тој.