Ескобар: Во БиХ нема да има војна
Габриел Ескобар, заменик помошник секретар во Бирото за европски и евроазиски прашања на Стејт департментот изјави дека нема да има нова војна во Босна и Херцеговина.
– Во БиХ нема да има војна и не знам зошто луѓето зборуваат за војна, а треба да зборуваат за економски развој. Кога луѓето ќе излезат на гласање, мислам дека имаат јасни опции меѓу оние кои сакаат да продолжат со етничките поделби од 1990-тите и оние кои сакаат да одат напред, изјави Ескобар за Ал Џезира Балкан.
На прашањето дали САД работат на пакет санкции за функционерите во БиХ, тој одговори дека се уште никој не зборува за санкции.
– Санкции може да бидат насочени против поединци, но сè уште сме во фаза на дијалог, рече Ескобар, предупредувајќи дека ентитетите немаат уставно овластување еднострано да се повлечат од институциите.
Американскиот дипломат понатаму рече дека претседателот на Србија Александар Вучиќ ја има поддршката од САД се додека е на европскиот пат.
– Нашиот однос со Србија не е ниту добар ниту лош, тој е комплициран. Се надевам дека ова „партнерство во развој“ што го имаме со Србија ќе може да помогне за стабилноста во регионот, рече Ескобар, одговарајќи на прашањето дали Србија е дестабилизирачки фактор во регионот.
Ново на Сител
-
Клековски: За само една година направиме две промени во позитивната листа , го зголемивме и бројот на ин витро постапки од 3 на 6
-
Мајор уапсен за шпионажа: Наводно доставувал информации на Русија за украинските борбени авиони
-
Над 100 луѓе се убиени во израелски напади во Појасот Газа за еден ден, соопштија здравствените власти во енклавата
-
Сиљановска-Давкова до Бирн: Ирска да продолжи да се залага за кредибилен процес на пристапување базиран на заслуги
-
Жители на Русиново остануваат на терен по синоќешниот пожар кај месноста Св Марко кој е локализиран
-
Министерот Тошковски присуствуваше на отпочнување на процесот за полагање на испит за ракување со оружје
-
Илјадници обожаватели се простија од Ози Озборн
-
Трамп воведува 25 отсто царина на индиска стока, критикувајќи ги врските со Русија