Ерупција на вулкан во Јапонија го наруши воздушниот сообраќај

Јапонскиот вулкан Шинмое на јужниот остров Кјошу исфрли чад и пепел на илјадници метри височина што предизвика откажување на 65 летови од и до аеродромот во Кагошима.

Се очекува вулканската активност да продолжи.

Вулканот се наоѓа на 985 километри од Токио. Помали ерупции беа регистрирани на почетокот од месецов кога беше ограничен пристап до врвот кој е висок 1.421 метри.

Локалните телевизии емитуваа снимки на кои се гледа чад и пепел кои достигнуваат височина од 3.650 метри, а длабоко во кратерот се гледа лава.

Во Јапонија има 50 активни вулкани.