Балкан
3. May 2017 - 11:55

Ердоган побара од Русија укинување на трговските санкции кон Турција

Претседателот на Турција, Реџеп Таип Ердоган денеска побара од Русија да ги укине трговските санкции за Анкара, со цел конечно да се нормализираат билатералните односи.

- Ако сакаме да постигнеме трговска размена во висина од 100 милијарди долари, ние под итно и целосно треба да ги надминеме сите ограничувања, посочи Ердоган пред да полета за Сочи, каде ќе се сретне со рускиот колега Владимир Путин.

Ердоган соработката со Русија за Сирија ја оцени како ефикасна.

- Со Русија презедовме многу чекори за решавање на сириската криза. Имаме ефикасна соработка и заеднички цели, нагласи Ердоган.