Ердоган: Духот на ОН во Газа е мртов, Израел е закана за целото човештво
Турскиот претседател Реџеп Таип Ердоган изјави денеска дека „духот на Обединетите нации во Газа е мртов“, истовремено повикувајќи го исламскиот свет да реагира по израелските напади врз камповите во Рафа, во кои се сместени раселените Палестинци.
-ОН не успеваат да го заштитат ниту сопствениот, ниту хуманитарниот персонал. А зошто уште чекате за да дејствувате. Духот на Обединетите нации во Газа е мртов, рече Ердоган пред претставниците на неговата партија.
Заедно со обвинувањата за слабоста на меѓународната институција, претседателот на мнозинската муслиманска држава со 85 милиони жители ги повика и своите колеги од исламскиот свет.
-Сакам да упатам неколку зборови до исламскиот свет: А што уште чекате за да донесете заедничка одлука? Господ ќе нè смета нас и вас за одговорни, рече тој, додавајќи дека „Израел не е само закана за Газа, туку и на целото човештво“.
„Ниту една земја не е безбедна додека Израел не го почитува меѓународното право и не разбере дека меѓународното право е обврска. Ова важи и за Турција“, додаде Ердоган.
-Израел и оние кои го поддржуваат се надеваат дека ќе го заборавиме овој геноцид, но овој геноцид нема да биде заборавен, предупреди турскиот претседател, посочувајќи дека „нема да се заборават убиствата на бебиња, деца, нападите насочени кон болници, цркви и џамии.
Ново на Сител
-
Џабе пребарувате сигурно е киднапирана можеби и убиена, велел цело време таткото на Вања
-
Вања на интернет комуницирала со момче од Шведска кое на профилот имало знамиња од ИСИС
-
Се преврте туристички автобус во Турција, шест лица погинаа, а 25 се повредени
-
Без една рака со стап пробува да го бутне дронот, последниот момент од животот на Синвар | ВИДЕО
-
Силен земјотрес ноќеска ја погоди Грција
-
Претрес во Гевгелија, пронајдена дрога
-
Тошковски: За два дена разбиени две големи криминални групи
-
Меси не ја исклучува можноста за учество на СП во 2026 година