ЕП жени: Шведска и Србија одиграа нерешено

На Европското првенство во ракомет за жени што се одржува во Шведска завршија натпреварите од првата фаза во групите А и Б. Во дуелот за првото место од А групата Шведска и Србија одиграа нерешено 30:30, додека Шпанија убедливо ја победи Словенија со 30:18.

Табела: Србија 5 бодови, Шведска 3, Шпанија 2, Словенија 2.

Во групата Б двата дуела завршија со минимална победа на една од селекциите: Германија - Полска 23:22 и Холандија - Франција 18:17..

Табела: Франција 4, Германија 4, Холандија 4, Полска 0.

Шампионатот заврши за селекциите на Словенија и на Полска, додека другите шест селекции ја формираат групата 1 која ќе се игра во Гетеборг. Шведска и Србија имаат по 3 бодови, Германија, Холандија и Франција по 2, а Шпанија е без бод.

Денеска се играат дуелите од 3.коло од групите Ц и Д.

Ц група:: Црна Гора - Унгарија и Данска - Чешка.

Д група: Романија - Хрватска, Норвешка - Русија.