„Ел-џи“ паметните телефони, најверојатно, заминуваат во историјата
Јужнокорејската компанија „Ел-џи“ долги години беше добро познато име на пазарот на телефони. Сепак, последниве неколку години, ја губи трката со „поголемите играчи“.
Така, за многумина и не е изненадување веста дека Ел-џи телефоните на наскоро може да заминат во историјата. Според „Кореја хералд“, вработените во „Ел-џи електроникс“ биле информирани дека „се подготвуваат големи промени во плановите за производство на телефони“. Сè уште не е познато што точно значи тоа, па претпоставките говорат дека одделот задолжен за паметни телефони или ќе биде продаден или целосно затворен.
Компанијата, инаку, загуби 4,5 милијарди долари последниве пет години само на пазарот на паметни телефони, па затоа оваа одлука можеби не е толку изненадувачка како што може да изгледа на прв поглед.
Сепак, Квон Бонг-Сеок, извршен директор на компанијата, им порача на своите вработени дека нема да бидат отпуштени. Ова е поткрепено со фактот што фирмата неодамна се префрли на други видови технологија. Пред сѐ, нагласката е на паметни домашни уреди, какви што скоро беа прикажани и на овогодишниот ЦЕС саем.
Ново на Сител
-
Случајот „Јавна соба“ заглавен кај Обвинителството - Нови групи шират порнографија и нудат платено членство
-
Колку работат Македонците во споредба со работниците во ЕУ и регионот?
-
За граѓаните урбанизмот во општините е најподложен на корупција
-
Заев, Села и Гаши задоволни од преговорите, тврдат дека се на чекор од конечно решение
-
Организаторите на настани на протест пред Владата, најавуваат блокада додека не добијат помош од државата
-
Тема на денот: Ќе има ли помош за најпогодените, дали државата ќе интервенира за секојдневните поскапувања?
-
Заев, Села и Гаши задоволни од преговорите, тврдат дека се на чекор од конечно решение
-
Уште 30 дена притвор за Камчев, одбраната покрена постапка за постапките на АНБ