Експлозии во Киев по состанокот на Зеленски со Гутереш
Најмалку две експлозии беа регистрирани вечерва во главниот град на Украина, Киев, веднаш по средбата меѓу украинскиот претседател Володимир Зеленски и генералниот секретар на ОН – Антонио Гутереш.
Експлозиите се случија по прес-конференцијата за време на која Гутереш ги осуди злосторствата извршени во градовите како Буча, каде што беа пронајдени докази за убиства на цивили по повлекувањето на руските сили. Експлозиите предизвикаа пожари во најмалку две високи згради.
Властите соопштија дека Гутереш и неговиот тим се безбедни.
На заедничката прес-конференција со Зеленски, Гутереш, меѓу другото, го критикуваше Советот за безбедност на ОН дека не направил сѐ во своја моќ за да ја запре војната во Украина.
Советот за безбедност не успеа да оди доволно далеку во своите напори „да ја спречи и да стави крај“ на руската војна во Украина, рече Гутереш.
„Да бидам многу јасен: Советот за безбедност не направи сѐ што е во негова моќ за да ја спречи и стави крај на оваа војна. И ова е извор на големо разочарување, фрустрација и гнев“, додаде генералниот секретар на ОН.
Ново на Сител
-
Нова акција на МВР: Се разбива мрежа за нелегални престои на странски државјани
-
25-годишен мотоциклист почина по сообраќајка во Чаир
-
Европските лидери го осудија убиството пред Еврејскиот музеј во Вашингтон
-
2023 сообраќајни прекршоци изминатите три дена, 362 за брзо возење
-
Во Велес синоќа се запали куќа од удар на гром, повредени нема
-
Манчестер јунајтед претрпе 20 порази во една сезона за прв пат по 50 години
-
Вардар го освои Купот на Македонија
-
Каја Калас: Враќање на Западниот Балкан