Екс претседателот на Кривичен, Панчевски се соочи со експертот кој го одржувал АКМИС
Во Основниот суд во Велес денеска продолжи судењето на поранешниот претседател на скопскиот Кривичен суд, Владимир Панчевски.
На рочиштето сведочи Горан Митев, вработен во компанијата која го развивала и одржувала системот АКМИС кој судовите го користат за распределба и водење на судските предмети.
Тој појасни дека компјутерскиот систем имал можност и за рачна распределба на предмети ако во моментот немало дежурен судија.
Сведокот потврди дека Панчевски барал дополнително усовршување на системот бидејќи недостасувале критериуми за распределба на одредени предмети.
Сведокот појасни дека и со одлука на претседателот на судот може предмет да биде прераспределен ако е итен, бидејќи како што рече сведокот Митев, може некој судија да е отсутен или преоптоварен со работа.
Панчевски е обвинет за злоупотреба на АКМИС системот бидејќи според обвинението со негова наредба се распределувале предмети во периодот од 2013 до 2016 година.
Зоран Јаневски
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка