Еколошка акција во општина Кисела Вода
Согласно одлуката на Владата, денеска администрацијата на Општина Кисела Вода спроведе голема еколошка акција, го одработи 2 јануари, ден кој беше прогласен за неработен за вработените во државните институции.
Општинската администрација, како што соопшти Општина Кисела вода на повеќе локации го чистеше сметот заедно со активистите на движењето „Не биди ѓубре“, министерот и заменик министерот за надворешни работи, Никола Димитров и Андреј Жерновски, градоначалникот на Општина Кисела Вода, Филип Темелковски, претседателот на Советот на Општината, Дарио Шимиќ и секретарот, Александар Алексовски.
Во активностите за чистење на Кисела Вода учествуваа голем број вработени во Министерството за надворешни работи, Агенцијата за цивилно воздухопловство, Агенцијата за странски инвестиции, Државната комисија за жалби по јавни набавки, Комисијата за односи со верски заедници и религиозни групи, Агенцијата за филм, ЈП за стопанисување со објекти за спорт и бројни граѓански активисти.
Општина Кисела Вода апелира до граѓаните да го почитуваат Законот за јавна чистота, да не го одложуваат отпадот на јавни површини туку во поставените контејнери. Локалната самоуправа, како што стои во соопштението, и во иднина ќе поддржува иницијативи за чиста и здрава животна средина.
Ново на Сител
-
Одобрено 24-часовно обезбедување на градоначалничката Арсовcка
-
Притвор за скопјанец, пронајден е кокаин
-
Предистрага поради сомненија за загадување на животната средина по пожарот во Визбегово
-
Лишени од слобода возачи во Македонски Брод и Македонска Каменица, управувале возила под дејство на алкохол
-
Мицкоски очекува успешна сезона за лозарите
-
Индиректните преговори за прекин на огнот во Газа попречени од израелскиот план за повлекување
-
Синот на нарко-босот Ел Чапо се изјасни за виновен пред американски суд во замена за полесна казна
-
Мицкоски за обвинувањата на Арсовска: Државата има институции, ги повикувам да постапуваат