ЕКК: Победи за македонските екипи Алкалоид и Гамбит Асеко

Македонскиот шампион Алкалоид и тимот на Гамбит Асеко забележаа победи во четвртата рунда од Европскиот клупски куп во шах што се одржува во Нови Сад, Србија.

 

Шахистите на Алкалоид со 3,5:2,5 беа поуспешни во мечевите со рускиот тим Жигули, додека Гамбит Асеко ја совлада Дунајска Стреда со 4:2.

 

„Фармацевтите“ со максимални четири победи и освоени 65 поени се наоѓаат на второто место веднаш зад лидерот Медниј Всадник кој исто така има четири победи, но и еден поен повеќе, односно 66.

 

На високото 19.мест во конкуренција на 62 екипи се наоѓа вториот македонски претставник во елитното натпреварување, тимот на Гамбит Асеко.

 

До крајот остануваат уште три рунди, а во денешното петто коло се среќаваат двете првопласирани екипи Медни Всадник и Алкалоид. Гамбит Асеко за противник ќе ја има екипата на Свети Николај Српски.