EKK: Импресивен резултат на Чоловиќ

На Европскиот клубски шаховски куп „Скопје 2015“ настапија четири македонски екипи во машка конкуренција и еден во женска.

Најдобар пласман кај мажите оствари Алкалоид кој го освои 6. место што е под рејтингот бидејќи нашиот фаворите беше рангиран на 3. место.

За Алкалоди покрај силната интернационална екипа настапија и велемајсторот Трајко Недев и ИМ Филип Панчевски кои одиграа по еден меч и забележаа победи.

ШК Асеко Гамбит го освои 26. место а најзабележителен наш играч беше ИМ Орце Данчевски кој играше на третата табла и освои 4 поени одигрувајќи ги сите 7 партии.

Интересно во последното коло се сретнаа ШК Центар и ШК Карпош. Славеа центарци со 3,5-2,5. Најдобри резултати од македонските шахисти во овој клуб кој го освои 34. место оствари Владимир Владимиров со 4 поени од 6 партии, а пријатно изненади Бојана Бејатовиќ која во машкото друштво освои 3 поени во 7 партии.

ШК Карпош го освои 47. место а Горан Главинац на првата табла одигра 7 партии и освои 3 поени.

Интересно е што најдобар резултат од нашите шахисти постигна велемајсторот Александар Чоловиќ кој настапи за англискиот претставник Чедлетон и играјќи на 4. табла освои дури 5,5 поени во сите 7 кола и тоа без пораз со 4 победи и три нерешени меча.