Египетски компании заинтересирани за инвестирање најавија посета на Македонија
Министерот за странски инвестиции, Бил Павлески во Египет ги претстави инвестициските можности што се нудат на странските компании во Македонија. При тоа дел од нив пројавија интерес за инвестирање и најавија посета на Македонија.
Од Кабинетот на министерот информираат дека за време на посетата Павлески оствари средби и бизнис форуми со раководството на позначајните стопански комори во Египет, меѓу кои со Федерацијата на египетски комори и Канадската комора во Египет, Комората од Гиза, Комората од Калиопеја и Комората од Александрија, како и нивните членки.
На средбите тој информираше за економската состојба во Република Македонија и реформите што се спроведуваат во насока на развој на економијата и обезбедување поволна бизнис клима за странските инвеститори. Притоа, тој ја истакна потребата од продлабочување на соработката на ниво на стопански комори од двете земји, размена на искуства и заемни посети.
Покрај средбите со претставниците на коморите и нивните членки министерот Павлески оствари средби и со истакнатите личности од сферата на бизнисот во Египет и арапскиот свет.
Во соопштението се наведува дека меѓу позначајните беше остварена средба со извршниот директор на Orascom Construction, дел од групацијата Orascom, потоа средба со сопственикот и извршен директор на Oriental Wavers, најголема компанија во светот за машинско производство на теписи со преку 17.000 вработени и 10 фабрики во САД, Египет и Кина, потоа средба со извршниот директор на Dal al Mimar, една од компаниите која бележи најбрз раст во секторот градежништво во делот на резиденцијални и туристички комплекси, како и средба со сопственикот и извршен директор на компанијата Polyserve, една од најголемите компании во областа на производството на вештачки ѓубрива и хемикалии во Египет.
Во рамки на посетата, министерот Павлески имаше работни средби со министерот за инвестиции Ашраф Салман, министерот за трговија и индустрија, Мунир Фахри Абдел Хур, министерот за финансии, Хани Кадри Демиан, министерот за земјоделство Салех Хелал и министерот за туризам.
На средбите беа разменети мислења и конкретни предлози за продлабочување на односите и подигнување на соработката на повисоко ниво, со цел унапредување и продлабочување на економската соработка, трговската размена и соработката на полето на инвестициите, трговијата, земјоделството и туризмот.
Ново на Сител
-
Протест на вработени во институциите на ЕУ против израелските воени операции во Газа
-
Во Струга до 17 часот излезноста за претседател 23 проценти, за парламентарните избори 35 отсто, во Вевчани над 63 проценти
-
Двајца фаворити на изборите во Бугарија се на американската црна листа
-
Во Куманово за претседателските избори, излезеноста до 17 часот e 37,66, за парламентарните е 44,82 отсто
-
Во Југоистокот продолжува трендот на најголема излезност во Дојран и Гевгелија, најмал во Радовиш
-
Во Штип излезноста до 17 часот е над 48 отсто на двојните избори
-
Излезноста до 17 часот за претседателски избори е 42,32%, за парламентарни 46,93%
-
Пет лица повредени откако од патот излета возило со албански регистрации во Струшко