Едукативни флаери за права од здравствена и социјална заштита за стари лица во Кавадарци

По повод денешниот Меѓународен ден на старите лица, млади волонтери од Општинската организација на Црвениот крст од Кавадарци, денеска им делеа флаери на своите постари сограѓани, на кои се напишани нивните права од здравствена и социјална заштита.

- Пристапивме во семејството на Црвениот крст со цел да бидеме дел од хуманите активности кои ги организираат. Активностите имаат за цел да им се помогне на сите оние на кои им е неопходна помош, социјално загрозените, лицата со попреченост, постарите и немоќните, болните, оние кои претрпеле некоја елементарна непогода и слично, рече 14- годишната Благица Ојнарова.

Од Црвениот крст Кавадарци информираа и за други активности со кои го одбележуваат Меѓународниот ден на старите лица.