Ѕидот меѓу САД и Мексико ќе чини 21,6 милијарди долари

Ѕидот на границата меѓу САД и Мексико ќе чини 21,6 милијарди долари, а за негова изградба ќе бидат потребни околу 3.5 години. Тоа се вели во внатрешен извештај на Министерството за внатрешна безбедност.

Посочената сума е многу над првично искажаната од претседателот Доналд Трамп – 12 милијарди долари за време на претседателската кампања.

Се очекува извештајот да биде претставен од министерот за внатрешна безбедност Џон Кели во следните денови, јавуваат американски медиуми кои имале увид во документот.

Анализите се дека до крајот на 2020 година да бидат изградени околу 2.000 км од ѕидот. Досега со заштитна ограда се „покриени“ 1.046 км од границата. Трамп потпиша Указ за градење на ѕидот на 25 јануари.