Џони Деп сведочеше против британски „Сан“
Американскиот глумец Џони Деп на своето сведочење ги отфрли наводите на неговата поранешна сопруга Амбер Хард, која тврдеше дека била претепувана од него, опишувајќи го како чудовиште.
Во Врховниот суд во Лондон, Џон Кристофер Деп Втори поднесе тужба за клевета против британскиот таблоид „Сан“ за напис од 2018 година. Актерот и неговиот адвокат Дејвид Шерборн ги негираа тврдењата на Хард, дека таа веќе стравува за нејзиниот живот поради него, и рекоа оти, напротив, таа била таа што во еден миг го удрила Деп.
– Таа беше насилничката во семејството. Амбер Хард е противречна и агресивна личност која страда од екстремни растројства во расположението. Таа постојано предизвикуваше скандали и насилни напади!, посочи адвокатот.
За време на неговото сведочење, Деп призна дека земал дрога уште од 11-годишна возраст, бидејќи неговата семејна околина била прилично нестабилна.
– Тоа беше единствениот начин да се потисне психолошката болка што ја доживеав. Честопати се разбеснував во годините подоцна, но тоа не значи дека имам проблеми да се справам со гневот. Кога работите ќе излезеа од колосек, јас секогаш се повлекував на моето ќоше, рече Деп.
Нивниот развод заврши 2017 година, со отповикување на ограничувачкиот налог и согласност на Деп да ѝ плати седум милиони долари на Хард.
Како сведоци се очекува да бидат повикани и поранешните партнери на глумецот – Ванеса Паради и Винона Рајдер, кои во прелиминарните рочишта рекоа дека Деп никогаш не бил насилен.
Цената на адвокатите и трошоците на судењето веројатно ќе го надминат надоместокот што може да му биде доделен на Деп во случајот. Деп ја тужи Хард и за 50 милиони долари за нарушување на угледот во друг случај, во САД. Тој процес се очекува да почне следната година.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка