Две лица повредени во сообраќајка на автопатот Тетово-Скопје
Две лица, мајка и ќерка, се повредени во сообраќајната несреќа што денеска околу 15:45 минути се случила на автопатот Тетово - Скопје, во близина на бензинската пумпа Петрол компани, информираше портпаролот на СВР Тетово Марјан Јосифовски.
Според Јосифовски, до несреќата дошло откако Ф.А.(36) од засега неутврдени причини загубила контрола врз автомобилот Голф и удрила во заштитната ограда што ги дели коловозните ленти причинувајќи поголема материјална штета на оградата и автомобилот. При тоа таа се здобила со тешки телесни повреди односно скршеници на десната рака и по укажаната помош во тетовската Клиничка болница била упатена на скопските клиники. Нејзината 11-годишна ќерка се здобила со скршеница на подлактица по што и била укажана помош во тетовската болница.
- Увид на местото од несреќата извршила екипа на СВР Тетово и се работи на откривање на причините, околностите и се друго поврзано со сообраќајката, рече Јосифовски.
Ново на Сител
-
Хоспитализирани четири лица со голема кашлица, нови 27 случаи
-
Продолжува кампањата за претседателски и парламентарни избори на 8 мај
-
Свечена промоција на нови полициски службеници во Идризово
-
Во понеделник ќе се знае дали ќе поскапи полисата за задолжителното авто осигурување
-
Кикбоксерот Бобан Илиоски светски првак во ВАКО ПРО
-
Киев: Русија ја нападна енергетската инфраструктура во три украински региони
-
Десетици торнада го погодија централниот дел на САД
-
Денеска е Лазарова сабота, утре Цветници - празници предвесници на Велигден