Две лица потешко повредени во сообраќајка во Скопје
Две лица биле потешко повредени во две од вкупно 11 сообраќајки регистрирани во текот на вчерашниот ден на подрачјето на СВР Скопје. Во четири незгоди со полесни повреди се здобиле 10 лица, а во пет била причинета материјална штета.
Како што информира МВР, во текот на вчерашниот ден сообраќајната полиција открила и санкционирала поголем број прекршоци. Триесет и тројца возачи се движеле со брзина поголема од дозволената, двајца биле исклучени од сообраќај поради возење под дејство на алкохол и 26 лица пред да се стекнат со право на управување на моторно возило. Санкционирани биле и 13 лица кои го управувале возилото со истечена важност на сообраќајната дозвола, едно лице управувало техничко неисправно возило, еден пешак поминал коловоз вон пешачки премин, тројца возачи поминале на крстосница на црвено светло, а еден возач се престроил неправилно. Затекнати биле 113 непрописно паркирани возила.
Со помош на специјалното возило „пајак“, отстранети биле 81 возило.
Во рамки на сообраќајно воспитната акција „Да ги заштитиме децата во сообраќајот“ Одделението за превенција денеска ќе реализира едукативни работилници во ОУ „Кочо Рацин“ во Катланово.
Ново на Сител
-
Тема на денот со Горан Минчев, министер за јавна администрација
-
Затворена зоолошката во Скопје, потврден е „птичји грип“
-
Перински: Ќе се кандидирам за градоначалник на Скопје, ако анкетите покажат рејтинг
-
Затворена зоолошката во Скопје, има сомнеж за „птичји грип“
-
Георгиева: Не чека тешка иднина, најпогодени ќе бидат сиромашните
-
Перински: Незаконски е општини да ја финансираат Албанската академија
-
Костадинов: Водата во Струмица е исправна - се чека потврда од ИЈЗ
-
Пациентите со рак на дојка бараат лекови на позитивната листа, подобрување на скринингот и нови протоколи