Двајца кавадарчани лишени од слобода бидејќи им била пронајдена марихуана

Двајца кавадарчани биле лишени од слобода во саботата навечер од страна на полициски службеници бидејќи кај нив била пронајдена марихуана. За ова денеска информираше Верољуб Додевски, портпарол на СВР Велес.

Тој појасни дека полицајците ја откриле марихуаната кај 32-годишниот Н.А и две години постариот Б.Г, кои се движеле по улицата „Ѓорѓи Соколов“.

По целосно документирање на случајот, против нив ќе биде поднесена соодветна пријава.