Дрво падна на Школка - за „влакно“ избегната трагедија

Големо дрво предмалку падна на Школка во Градски парк. Две девојки на околу 20-години во моментот на падот поминувале под дрвото и се спасувале во последните секунди. Сепак, тие не сакаа да зборуваат пред камерата на Сител, но рекоа дека кога го слушнале пукањето на дрвото почнале да трчаат за да се спасат. За среќа не се повредени.

Од падот на дрвото искршена е канделабра, а оштетени се и кабли за електрична енергија кои се поврзани со Школка.