Драстични казни за ПАОК и газдата Савидис
Екипата на ПАОК дефинитивно ги губи шансите за шампионскиот трофеј откако грчката фудбалска федерација преку својата дисциплинска комисија изрече драконски казни за тимот од Солун по нередите и прекинот на дуелот против АЕК, во домашното првенство. Високи казни се одредени и за сопственикот на ПАОК Иван Савидис кој влезе со пиштол на теренот, револтиран поради поништениот погодок на домаќините во 90 минута.
Проблемите настанаа кога судијата го поништи голот поради наводен офсајд, што наиде на жестока реакција кај сите во ПАОК. Доколку тој погодок беше признат, тимот од Солун ќе победеше со 1:0 и ќе избиеше на чело на табелата, што ќе значеше чекор од титулата.
Сепак, сега титулата останува само сон, бидејќи Дисциплинската комисија го регистрираше прекинатиот меч со службена победа на гостите од 3:0. Освен тоа, на ПАОК ќе му бидат одземени три бода, а во следната сезона ќе започне со минус од два бода и првите три меча на свој терен ќе ги игра пред празни трибини. Паричната казна е 63.000 евра за клубот.
Газдата на ПАОК, Савидис доби забрана за влегување на стадион во следните три години, а треба да плати и 100.000 евра.
Од ПАОК најавија жалба на оваа казна.
Ново на Сител
-
Приведени 15 возачи поради возење без возачка дозвола, со активна забрана за управување возило и под дејство на алкохол
-
Извршен увид на местото на убиството во кумановско, постојат сомнежи дека осомничениот е поврзан и со други кривични дела
-
Католичкиот свет го одбележува празникот на Свети Валентин
-
Мицкоски: Пораките на Рубио се јасен сигнал за сите сојузници, како Влада, продолжуваме да го зајакнуваме нашето место во трансатлантската заедница
-
ССМ: Работниците се двојно попродуктивни од она што го добиваат преку платите
-
52-годишен скопјанец ја претепал партнерката која била во вториот месец од бременоста
-
При претрес во Кавадарци и Велес пронајдена дрога уапсени три лица
-
Ден на жалост во Сараево по трагичната трамвајска несреќа
