Драстични казни за ПАОК и газдата Савидис
Екипата на ПАОК дефинитивно ги губи шансите за шампионскиот трофеј откако грчката фудбалска федерација преку својата дисциплинска комисија изрече драконски казни за тимот од Солун по нередите и прекинот на дуелот против АЕК, во домашното првенство. Високи казни се одредени и за сопственикот на ПАОК Иван Савидис кој влезе со пиштол на теренот, револтиран поради поништениот погодок на домаќините во 90 минута.
Проблемите настанаа кога судијата го поништи голот поради наводен офсајд, што наиде на жестока реакција кај сите во ПАОК. Доколку тој погодок беше признат, тимот од Солун ќе победеше со 1:0 и ќе избиеше на чело на табелата, што ќе значеше чекор од титулата.
Сепак, сега титулата останува само сон, бидејќи Дисциплинската комисија го регистрираше прекинатиот меч со службена победа на гостите од 3:0. Освен тоа, на ПАОК ќе му бидат одземени три бода, а во следната сезона ќе започне со минус од два бода и првите три меча на свој терен ќе ги игра пред празни трибини. Паричната казна е 63.000 евра за клубот.
Газдата на ПАОК, Савидис доби забрана за влегување на стадион во следните три години, а треба да плати и 100.000 евра.
Од ПАОК најавија жалба на оваа казна.
Популарно од Фудбал
Ново на Сител
-
Алиу: Работна група од Министерството за здравство истражува дали биле запазени протоколите за извоз на биолошки материјал во САД
-
Мицкоски: Владата нуди своја формула за пресметување на покачувањето на платите во администрацијата
-
Мицкоски: Чествувањето на Гоце Делчев нека ни биде пример како треба да ја градиме нашата Македонија
-
Променливо облачно и релативно топло до сабота, од недела заладување и снег на планините
-
Приведени возачи, управувале возила без возачка дозвола, со изречена забрана, под дејство на алкохол
-
650 прекршоци регистрирани вчера преку „Безбеден град“, од нив 590 за пребрзо возење
-
Сиљановска-Давкова: Регулативата создава доверба и предвидливост, а не само контрола
-
Обвинителството отвори предмет по закани кон новинарот Александар Видиновски
