Донирана помош за семејство од Куманово

Црвениот Крст Куманово и хуманитарното здружение „Крепост“ од Куманово, денеска донираа прехрамбени производи и хигиенски средства за семејството Маринковски од Куманово кое живее во супстандардни услови.

Од кумановскиот Црвен Крст велат дека досега во организацијата, семејството не било регистрирано и дека отсега ќе биде регистрирано и ќе добива помош.

- Во наредниот период ќе продолжи нашата соработка со ова семејство и ќе донирме неопходна помош, изјави Филип Кузмановски од Црвен Крст Куманово.

Семејството Маринковски живее во близина на Ургентниот центар во Куманово. Зоран Маринковски е единствениот вработен од семејството во ЈП „Чистота и Зеленило“ и тој денеска се заблагодари на помошта, но, истакна дека со платата не успева да ги покрие егзистенцијалните потреби на семејството, делумно и поради здравствената состојба. Неговата сопруга и трите деца се со посебни потреби, а синот е ученик во основното училиште “Толи Зордумис“.