Донецката и Луганската народнa републикa се договорија со властите во Киев за ослободување на сите заробеници

Претставниците на самопрогласените Донецка и Луганска народни републики во источна Украина се договорија со официјален Киев за размена на заробениците на принципот „сите за сите“ јави ТАСС. 

Во рамките на пакетот мерки за исполнување на Минскиот договор беше постигната согласност за размена меѓу Донецката народна република и Луганската народна република и Украина. 

- Ќе и предадеме на Украина 47 лица, а во замена таа ќе ни врати 618 лица. Овој договор беше направен и на вчерашната седница на Контакт групата, изјави Олга Кобцева, полномошниот претставник на Луганската народна република во работната подгрупа за хуманитарни прашања при Контактната група. 

Од страна на Киев, до сега нема изјави по ова прашање. 

По седницата на Контакт група во Минск вчера полномошниот претставник на Русија Борис Гризлов изјави дека претставниците на Донецк и Луганск предложиле да бидат ослободени сите лица кои биле задржани во земјите.